موقع كلية الطب البشري جامعة الأزهر بدمياط الجديدة

الى طالب سنه اولى طب دمياط

استعرض الموضوع السابق استعرض الموضوع التالي اذهب الى الأسفل

الى طالب سنه اولى طب دمياط

مُساهمة من طرف محمد عمران في الجمعة أكتوبر 14, 2011 11:28 am

لطالب سنه اولى..

انا مش فاهم حاجه خالص ؟؟

ده الطبيعى ان انت فى البدايه مش تبقى فاهم حاجه او على الاقل فاهم نص نص ..لان دى مرحله جديده خالص ومش ليها دعوه بالانجليزى الى قبل كده..
...
طيب انا قلقان وحاسس انى مش هسلك ف الكليه دى؟؟

مفيش حد مش فكر التفكير الرائع ده بس كلنا بنجمد ربنا اننا مش نفذناه والطب صعب فى بدايته بس بعد كده هتتعود عليه وهتتدمنه ,,فالحكايه كليها محتاجه شويه صبر

طيب اعمل ايه؟؟
روح من الكليه ذاكر واقعد ترجم على الاقل ومره فاتنين فى تلاته هتبقى احسن ..

طيب فى الكليه ؟؟
لازم تحضر وخاصه سكاشن التشريح وعندنا دكاتره حلوين اوى ومدرسين مساعدين رائعين خالص..

ولو حصلت 70 فى الميه او حتى 50 يبقى تمام اوى اوى اوى ..واحسن من قعدتك فى البيت..

ايه المواد الى علينا انا حاسس انى تايه ؟؟

عليك الاول تشريح ودى ماده بتهتم بتفاصيل الجسم الكبيره زى الشرايين والاورده والعضلات

مين بيديها؟
الدكتور حمدينو والدكتور عادل الهوارى والدكتور فوزى والدكتور سيد والدكتور حماد والدكتور ايهاب ..

طيب والناس ديه عامله ايه ؟؟
هتعرف فيما بعد انهم زى الفل وحلوين وهيخلوك شاطر باذن الله بس انت تذاكر يا لميض.


التشريح ده كتبه متقسمه ازاى ؟

بص يا برنس عندك ال introduction ود بقى مقدمه للتشريح يعنى فيها مثلا الاوضاع للجسم زى
ANTERIOR:يعنى بتوصف المكان الامامى للجسم
POSTERIOR:بتوصف المكان الخلفى للامامى

يعنى الامام اسمو انتريور ولخلفى بستويريور

وهكذا LATERAL AND MEDIAL AND SUPERIOR AND INFERIOR

وهتلاقى بقى شويه تفاصيل تانيه كده هتفيدك حاول تقراها فى الكتاب ده .
وبعدها هتدخل بقى على الشغل.
الى هو
UPPER
LOWER
ABDOMIN

فى بدايه كلا من دول هتلاقى العملى بتاعه يعنى العظم بتعرف كل اسم فى تفاصيل العظمه..
وده انت هتقعد وتمسك الكتاب وتمسك عضمايه وتشوف الاسم وتحفظ وتسمع لنفسك وهكذا لغايه ما تعرف كل حاجه على العظمه اسمها ايه بقى ..
ده الى مطلوب منك دلوقتى .وممكن تخلى حد اكبر منك يشرحلك .

هنذاكر منين؟؟

غالبا الدكتور احمد مصطفى كمال ..و
وفى الاول تجيب اسطواننات الدكتور احمد مصطفى كمال ولو لقيت للدكتور الفقى بتاع المنوفيه يبقى احلى كمان ..

الماده التانيه .(مش اقصد الماده التانيه من الدستور)

الفسيولجى دى عليها زى التشريح 250 درجه

دى بقى ماده الفهم وتهتم بيها اوى
وهى بتحتاج تفكير وفهم فى كل حاجه مش حفظ..
هتلاقى الدكاتره شرحهم كويس .
وخاصه الدكتور عاطف .

هتبدا بالبرنشات الاتيه .
NERVE AND MUSCLE
ده بقى بيتكلم عن العضله والحركه فيها وازاى بتتحرك وازاى العصب ده بيشتغل والكهربيه الى فيه بتمشى ازاى ..

AUTONOMIC
وانا بسميه عصب الفسيولجى وهو سهل جدن لانه واقعى كتير
يعنى بينقسم لجزئين الجزؤ الاول ال SYMPATHETIC

وده بيحكى ايه الى بيحصل ف جسمك لما بتعرض لموقف اثاره اوخوف وطبعا كلنا بنشوف كده .

الجزء التانى :PARASYMPATHETIC

وده بيحكى ايه الوضع ساعت الراحه او بعد لاكل مثلا

BIPHASIC ده البرنش التالت:
فيه بقى شويه حاجات كده والمهم فيه درس واحد او اتنين بالكتير الدكتور مجدى هيركز عليهم وهيقول انهم هما المهمين فقط..

CARDIOVASCULAR>
بيحكى بقى عن الدوره الدمويه وهو فرع لذيذ بس طويل شويه ..

RESPIRATION

بيحكى عن التنفس وفسيولجيه التنفس.

BLOOD
بيحكى عن الدم ووظيفته وتكوينه فى الجسم

هنذاكر منين ؟؟

فى كتب الدكتور الزيات جميله بس الدكتور مجدى مش بيحبها
وبيحب كتب الدكتور مجدى صبرى وهى كتب كبيره حبيتبن.
وفى كتب الدكتور مجدى بتاعنا بس من غير ما اشوفها اكيد زى كتب الدكتور مجدى صبرى.

نصيحتى بقى فى الاول تذاكر من كتب الدكتور الرائع المولى وخاصه فى البرنشات الاولانيه زى النرف والموصل والالاتونومك فقط...

لان الدكتور فى الكتاب ده وبيزيد فى الكلام يعنى يناسب طالب اولى .
بعد ما تسلك شويه ذاكر ان شالله من العفريت ا.

طيب فى محاضرات على الكمبيوتر ن مثلا ؟؟
فى طبعا لالبرت وناجى ممكن تسمعلهم ..

الماده التالته البايو كمسترى .

ودى هتذاكرها من كتاب المنصوره او مذكرات المنصوره .

ودى ماده بتختص بالكيميا بتاعت جسمنا وعليها 150درجه

هتحس فى الدايه انها غلسه بس بعد شويه من التعب فيها هتبقى حلوه..


الماده الاخيره :الهستولجى
ودى سهله جدن ومش عارف قالولكم
بس احنا علنا بنذاكر من كتاب الدكتور مصطف اسماعيل بس اوعواااااا..
وفى حاجه ههه اسمها ناديه صح انا مش ذاكرت كويسه.

اخيرا شدوا حيلكم قوى
اشتروا قاموس فوزى جاب الله او الرا ائد

ترجموا الكلام الى يقابلكم بقدر الامكان
وممكن تجيب قاموس عادى بالاضافه للقاموس الطبى..


فى بدايه كل كتاب كلمات جديده وبعد بتتكرر..

اى مساعده عندك زمايلك الى اكبر منك.
منقوول عن
مين مساعد وامين اللجنه الاجتماعيه
عبدالرحمن السيد
[ندعوك للتسجيل في المنتدى أو التعريف بنفسك لمعاينة هذا الرابط]
مه تمنياتى للجميع بالتوفيق والسداد
رابط الملف
[ندعوك للتسجيل في المنتدى أو التعريف بنفسك لمعاينة هذا الرابط]
avatar
محمد عمران
مشرف
مشرف

عدد المساهمات : 245
نقاط : 542
تاريخ التسجيل : 17/03/2011

الرجوع الى أعلى الصفحة اذهب الى الأسفل

رد: الى طالب سنه اولى طب دمياط

مُساهمة من طرف محمد صابر في السبت سبتمبر 22, 2012 2:19 am

Surprised افادكم الله وشكراااااااا

محمد صابر
عضو جديد
عضو جديد

عدد المساهمات : 1
نقاط : 1
تاريخ التسجيل : 21/09/2012
العمر : 23

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى