الكل يا ارضى باع

الكل يا أرضى باع

صعبه يا أرض الزمن لما الميه تجافيكى
صعبه لما المواجع تدبح وتجرح فيكى
صعبه وحزينه حكايتك لما تمدى اديكى
والكل يبيع يا أرضى أنابس اللي اشتريكى

صعبه يا شموع حياتنا لما ينطفى نورك
ويضيع فى الزحمه صوتنا ويتوه منك غرورك
وتدور دايرة سكوتنا وتلفى وييجى دورك
تلقى الحقيقه تايهه ضايعه ومجروح شعورك

صعبه يا شعره بيضه كاتبه حقا يق زماني
كام م البلاد سافرت ورسيت على فين مكانى
ولفين تهت ووصلت ومين فى الليل نادانى
كاتبه مين باعني يوم ومين يوم اشتراني

صعبه يا دمعة حيارى منتظرين الغريب
فارس وحصانه أبيض شايل كلمة حبيب
راجع من بعد غيبه يحكى حكاية نصيب
عليل نفسه ف زماننا يلقى جرح وطبيب

صعبه وبقيتى صعبه يا حروف كاتبها القلم
يا دموع سكنت عنينا يا بيوت جدارها انهدم
يا شموع نورها جرحنا وقمرها ليله انظلم
صعبه يا أرض الزمن دا زرعك أصبح عدم

إبراهيم الصياد
21-2-2007 الأربعاء